ТОВЧ ТАНИЛЦУУЛГА

    “Алтай трест” ХХК нь анх 1993 онд Түлш Эрчим Хүчний Яамны тушаалын дагуу Увс, Баян-Өлгий, Ховд аймгуудын төв, тэдгээрийн ойролцоох сумдыг ОХУ-ын Красноярскийн эрчим хүчний системтэй холбох, хүчдэлийг өсгөж бууруулах дэд өртөөнүүдийг барьж байгуулах, баруун бүс нутгийн эрчим хүчний эх үүсвэрийг бий болгох зорилгоор улсын үйлдвэрийн газрын хэлбэрээр байгуулагдсан. Улмаар 2002 онд нийтийн дуудлага худалдаагаар 100 хувь хувийн өмчит ХХК болон хувьчлагдаж, Ньюпрогресс группын харъяанд үйл ажиллагаагаа явуулах болжээ.

    Өнөөдөр тус компани нь эрчим хүчний салбарт хуримтлуулсан 20 жилийн баялаг туршлага, хийж гүйцэтгэсэн их ажил, нэвтрүүлсэн шинэ дэвшилтэт технологи, мэргэжлийн ажиллах хүчин, материаллаг бааз сууриараа салбартаа тэргүүлж, 130 орчим ажилтан албан хаагчтайгаар Монгол орныхоо өнцөг булан бүрт эрчим хүч, гэрэл цахилгаан түгээх бүтээн байгуулалтын ажлуудыг хийж гүйцэтгэж байна.

ҮЙЛ АЖИЛЛАГААНЫ ЧИГЛЭЛ

•         0.4-220 кВ-ын ЦДАШ, дэд өртөөний барилга угсралт
•         0.4-220 кВ-ын ЦДАШ-ын төмөр бетон тулгуур, төмөр бетон хийц, төмөр хийцийн үйлдвэрлэл
•         Зуухны угсралт засвар түүний, туршилт тохируулга, дагалдах ажил
•         Даралтад савны угсралт засвар, түүний туршилт тохируулга, дагалдах ажил
•         Шугам хоолойн угсралт засвар, түүний туршилт тохируулга, дагалдах ажил
•         Сэргээгдэх эрчим хүчний тоног төхөөрөмжийн худалдаа, угсралт суурилуулалт
•         Иргэний ба үйлдвэрлэлийн барилга угсралт
•         Барилгын материал үйлдвэрлэл
•         Өндөр, нам хүчдлийн цахилгаан тоног төхөөрөмжийн худалдаа, угсралт суурилуулалт
•         Гадаад худалдаа

ҮЙЛДВЭРЛЭЛИЙН ХҮЧИН ЧАДАЛ

•         Жилдээ 650 км урт ЦДАШ барьж байгуулах
•         Жилдээ 20 МВА хүчин чадалтай 25 дэд станц барьж байгуулах
•         Жилдээ 35- 220 кВ-ын 6600  хэрчим төмөр бетон тулгуур үйлдвэрлэх
•         Жилдээ 1000 тн  төмөр хийц үйлдвэрлэх
•         Жилдээ 1000-1500 тн төмөр бетон эдлэл үйлдвэрлэх
•         Жилдээ 10000-15000 м3 хөнгөн бетон эдлэл үйлдвэрлэх

    Алтай трест ХХК нь өнгөрсөн хугацаанд үйл ажиллагаагаа саадгүй явуулахад шаардагдах 100 гаруй машин механизм, техник хэрэгсэл, механик цех, авто граж бүхий машин механизмын парк, төмөр хийц, төмөр бетон хийцийн үйлдвэрүүдийг өөрийн хөрөнгөөр бий болгосон.

БҮТЭЭН БАЙГУУЛАЛТААС

    Монгол Улсад анх удаа гадаадын мэргэжилтний туслалцаагүйгээр, өөрийн барилга, үйлдвэрлэлийн бааз, инженер, мэргэжлийн ажилчдад тулгуурлан төмөр тулгуур бүхий 220 кВ-ын өндөр хүчдэлийн цахилгаан дамжуулах хоёр хэлхээт агаарын шугамыг /МУ-ын хилээс Увс аймгийн төв хүртэлх 101 километр урттай/ барьж, чанарын өндөр үнэлгээтэй хүлээлгэн өгсөн нь тухайн үедээ Монгол Улсын эрчим хүчний салбарын хөгжлийн түүхэнд шинэ хуудсыг эхлүүлсэн түүхтэй.

     “Алтай трест” ХХК нь 2006 онд эрчим хүчний барилга угсралтын салбарт хийгдсэн нийт бүтээн байгуулалтын ажлын 16%-г хийж гүйцэтгэж байсан бол их бүтээн байгуулалтын жил 2007-2008 онд 14.5%-г дангаараа хийж гүйцэтгэн, 1000 км урт ЦДАШ-ыг дэд өртөөнүүдийн хамт барьж байгуулжээ. Сүүлийн жилүүдэд эрчим хүчний барилга угсралтын салбарт ЦДАШ, дэд станцын БУА-дыг цаг хугацаанд нь чанартай гүйцэтгэж, улс орныхоо дэд бүтцийн салбарт өөрийн хувь нэмрээ оруулан ажиллаж байна.

    Эрчим хүчний барилга угсралтын салбарт 15 жилийн туршлагатай, салбарын тэргүүлэгч компани “Алтай трест” ХХК нь Монгол Улсын цахилгаан эрчим хүчний нэгдсэн системийг үүсгэн байгуулах, хамрах хүрээг тэлэхэд хүчин зүтгэж Увс, Баян-Өлгий, Ховд, Хөвсгөл, Өвөрхангай, Говь-Алтай, Баянхонгор, Хэнтий, Дорнод зэрэг аймгуудын 60 гаруй сумдыг бүсийн эрчим хүчний нэгдсэн системтэй холбох, баруун бүсийн эрчим хүчний нэгдсэн системийг үүсгэн байгуулахад 2670 км урт цахилгаан дамжуулах агаарын шугам, 164.05 мВА нийлбэр хүчин чадалтай 70 гаруй дэд өртөөг барьж байгуулаад байна.

ШАГНАЛ УРАМШУУЛАЛ

•         МҮХАҮТ-аас “Эрчим хүчний салбарын тэргүүлэгч Энтрепренёр”-оор шалгаруулан цом, өргөмжлөл
•         Ховд аймгийн “Entrepreneur-2003”-ын Шилдэг аж ахуйн нэгж
•         Баруун бүсийн Шилдэг бүтээгдэхүүн үйлдвэрлэгч
•         МҮХАҮТ-аас BUSINESS EXCELLENCE AWARD
•         Франц улсын Парис хотноо зохион байгуулсан Олон Улсын хурлаас “Чанар, Технологийн Алтан
•         цом”, өргөмжлөл /GOLDEN AWARD FOR TECHNOLOGY & QUALITY/
•         МҮХАҮТ-аас Ховд аймгийн “Шилдгийн шилдэг аж ахуйн нэгж”-ээр шалгаруулан болор цом,
•         өргөмжлөл

ДАВУУ ТАЛ

•         Баруун бүс нутгийн эрчим хүчний нэгдсэн системийг үүсгэн байгуулж, ард иргэдийг найдвартай
•         эрчим хүчээр хангасан арвин баялаг туршлагатай
•         Бүтээн байгуулалтын талбарт хамт олноо манлайлан, чиглүүлэгч мэргэжлийн ур чадвар өндөртэй,
•         дадлага туршлага бүхий инженер техникийн ажилтнууд, шилдэг менежментийн багтай
•         Санхүүгийн өндөр чадавхитай
•         Машин механизм, техник хэрэгслийн паркаараа Монгол улсдаа тэргүүлдэг үйлдвэрлэлийн
•         хүчирхэг бааз суурьтай
•         Хэрэглэгчийнхээ өмнө хүлээх хариуцлага буюу бүтээгдэхүүн үйлчилгээгээ чанарын өндөр
•         түвшинд, цаг хугацаанд нь, бодит үнэ ханшаар нийлүүлж, борлуулалтын дараах үйлчилгээ
•         үзүүлж, эргэх холбоотой ажилладаг
•         Байгаль орчин, экологи, нийгэмд хор нөлөөгүй, бүтээлч үйлдвэрлэл явуулдаг
•         Бүтээн байгуулалтынхаа ажилд хэрэглэгдэх үндсэн түүхий эд, материалаа өөрсдөө үйлдвэрлэдэг,
•         худалдааны компаниараа дамжуулан импортлон авдаг учраас тухайн ажлын өөрийн өртгийг
•         бууруулж чаддаг
•         Татварын хууль тогтоомжийг дээдлэн ажиллаж, орон нутгийн болон улсын татварын орлогыг
•         бүрдүүлэхэд хувь нэмрээ оруулж байна