Мөн бид Нью прогресс группын дэргэдэх “САНДАГ САН”-гаас “Залуу манлайлал-2008” хөтөлбөрийн хүрээнд 63 оюутанд сургалтын төлбөрийн тэтгэлэг олгож, онолоо амьдралд хэрэгжүүлэх боломж олгон дадлага хийлгэж, өөрийн салбар компаниуд дээрээ цалинтай ажиллуулдаг.

    Монголын Маркетингийн Анхдугаар Олимпиад, Ховд аймгийн математикийн гүнзгийрүүлсэн сургалттай Прогресс сургуулийн нэрэмжит математик, гадаад хэл, нийгмийн ухаан, байгалийн ухааны олимпиад, мөн ном-Уншигч ТББ, Нийслэлийн Боловсролын Газар, НҮБ-ын Хүүхдийн сан /UNICEF/, Олон Улсын Соёлын Солилцооны Сан, UBS телевиз хамтран зохион байгуулсан “Номын сайн нөхөр” аян, “Бүртгэл хөтлөлтийн өнөөгийн төлөв байдал" сэдэвт ЭШБ Хурлын ивээн тэтгэгчээр тус тус ажиллаж, Увс аймгийн Шинэ-Ирээдүй цогцолбор сургуулийн 11-р ангийн сурагч Н.Балжиннямыг Вьетнам улсад зохиогдсон Олон Улсын Математикийн Олимпиадад оролцоход санхүүгийн дэмжлэг үзүүлэв.